新冠肺炎疫情扩大，每日仍有新增确诊个案，全港市民加紧防疫，喺非常时期，拍摄中的TVB剧集经已尽量取消闹市外景，以减低感染病毒风险，而且让演员有10小时休息提高战斗力。不过有时避无可避，日前傍晚，何广沛、江嘉敏、郭子豪等现身新蒲岗康强街拍新剧《食脑丧B》外景，沐鸣软件下载冇戴口罩嘅江嘉敏变得好Free，戏外虽然手持杯型空气清新机防疫，但大癫大肺的她就冇乜避忌，周围撩人吹水狂喷口水花！更不时拨弄头髮，手指掂到隻眼呀！反观何广沛唔使埋位就嗱嗱声戴返番个口罩，行埋一边避开人群，两人一动一静相映成趣。採访：方骞平 摄影：张咏森

 

吴冠宇监製嘅TVB科幻喜剧《食脑丧B》日前喺康强街一间旧式士多门外取景，剧情讲何广沛第一次邂逅江嘉敏，还误会她跟卫志豪闹分手，其实卫志豪只係私家侦探，其中江嘉敏要同卫志豪揽头揽颈做对手戏，虽然江嘉敏有防疫意识，用手掂牆壁前先喺牆壁喷消毒酒精，但拍摄期间，就贯彻TVB「三大喇叭」作风周围撩台前幕后吹水，有讲有笑，仲入埋士多睇播放中嘅《大酱园》，鬼咁风骚，连途人都用好嘈嗰个来形容她。表现同戴住口罩、冇乜声气嘅何广沛好唔同。

 

对同事有信心

有专家曾提过，单係搭住膊头咁近距离接触，足可以「交换口水」！对此，江嘉敏轻鬆地说：「放心，我哋都冇病！因为公司实施量体温措施，有病唔好返工，而且我买咗手提空气清新机。其实都冇得避，始终观众要keep住睇电视，我哋都要keep住开工，拍戏一定要除口罩，唔好整花妆容。而且放饭都要去食饭㗎啦，又唔太担心，点睇都唔似有病喎！」问她喺疫情下，同男友係咪少咗亲热？她哈哈大笑说：「呢排又外景又厂景都好少见面，一齐食饭都少咗讲嘢，唔好飞沫传播。」

 

提到她在热播剧《大酱园》中演心地善良嘅「高双双」获讚，人气急升，网民最睇唔过眼她被督军张国强「咸猪手」摸pat pat，她笑说：「係剧情需要，KK係个好好前辈，嗰次係第一次做咁激烈嘅戏份，唔知係咪反应太好，所以呢套戏keep住有，我会畀张彦博…SM，卖个关子，只係爆住咁多先，不过，连男友都取笑我做咗御用（性）幻想对象。」

 

至于看似忧心忡忡的何广沛强调唔係担心疫情下开工，沐鸣平台挂机软件下载他说：「都冇得担心，其实经已少咗外景，新蒲岗人流都唔算多嘅，戏外咪尽量戴番个口罩，真係要麻烦化妆同事补妆喇！」问他係咪挂住相隔两地的绯闻女友朱晨丽？何广沛坦言：「咁正常朋友都挂嘅，始终《大酱园》去到结局篇，因为疫情，大家都冇得聚首一堂，係有啲可惜，唯有留家各自睇戏啦。」提到内地疫情仍然严重，何广沛就话唔怕，还好了解朱朱近况，「佢仲喺杭州家乡，但好少出街，希望佢good luck。」今周《大酱园》结局篇讲到何广沛纠缠朱晨丽和傅嘉莉之间，何广沛最怕观众接受唔到这个三角关係，「因为大家好入戏，外间反应好接受枫少同小满一对，点知枫少洞房后第二朝经已失咗踪，返到嚟变咗另一个人布平安，仲多咗个第三者，希望观众心脏够强大啲面对啦！」提到被指因为朱晨丽，「死敌」龚嘉欣喺社交网站停止关注他，何广沛回应话唔多清楚，总之在群组内两人有偈倾，同埋入行多年，他都坚持不理是非及争斗。