TVB饮食节目《香港原味道》播到第四辑，沐鸣安卓版APP下载今辑由谭玉瑛伙拍「小鲜肉」黄庭锋、孔德贤及林正峰做主持。其中黄庭锋跟足阿谭两年，做足四辑成为「铁脚」，点解有得留低呢？谭玉瑛即说：「因为佢靓仔囉，去到边度拍嘢，人哋未知佢乜名，都只係话：『乜你咁靓仔嘅？』」搞到在旁嘅庭锋面都红埋。採访：方骞平

 

31岁嘅黄庭锋（Telford）入行前曾经喺国际学校教体育，就算做咗艺人都继续修读中文大学嘅体育文学硕士课程。谭玉瑛对黄庭锋讚不绝口：「佢除咗好靓仔，仲好亲切，有晒《香港原味道》需要嘅嘢。我最锺意同靓人合作，咁会开心啲，加上佢又做到嘢。」黄庭锋就卖口乖：「重点係我由第一辑开始跟边个学嘢呀？咪係由细睇到大嘅谭玉瑛姐姐囉。」问到黄庭锋跟李家鼎，阿谭最Like边个？她笑说：「同鼎爷合作好唔同，佢要show quali，我就好似学生咁不断学嘢，学到嘅嘢可以放喺《香港原味道》施展吓。」

 

黄庭锋就指谭玉瑛姐姐对食嘢好有热情：「每次拍嘢佢会入去厨房睇晒所有嘢，每样嘢都想参与，虽然佢喺呢行咁耐，但热诚冇减退。」阿谭反问：「唔係话我为食呀？」《香港原味道》不停添食到第四辑，阿谭表示因为好多上咗年纪嘅观众想搵返回忆及味道，而今辑最大变化係加入后生仔研发嘅本地食物。庭锋仲畀导演安排去耕种两亩田，一手一脚翻土、疏苗、搭棚、播种等，沐鸣安卓版APP下载他形容攰到不得了，但係一个新体会。